عادي.. خليك حمار وعبيط تعيش مبسوط

ممكن الواحد يعمل عبيط ويسكت عن إساءة حد وجهاله ويقول "عادي"، وممكن تبقي ماشي في أمان الله في الشارع وحد يجر شكلك وتقول "عادي"، وممكن بنت زي القمر تمشي تتمختر في الشارع وهى فرحانه بنفسها وواحد رخم ابن رخمين يميل عليها ويغازلها بكلام زي الزفت ونقول برضه "عادي" لكن اللى مش عادي ان الواحد يركز في كل حاجة خاصة في مصر لأن فعلا فعلا اللى قال على مصر ام الدنيا ومعروف طبعا ان الامهات زي كل الستات لاسعين حبتين فلازم يعرف انه لازم يكبر دماغه.

عادي.. انك تكبر دماغك مع صحبتك ولا خطيبتك ولا مراتك ولا حماتك_اللهم ما احفظنا من الحموات_ وللاسف العامل المشترك في كل ده هو الست، ربنا يخدهم اخذ عزيز مقتدر، ومع ذلك الراجل مننا بيندب رصاصة في عينه ويجري ورا الواحده يعاكسها، وهو وحظه يا يصيب ويظبطها يا اما تطلع مصاحبة ولا بت خنيقه وتنفض لصاحبنا ويبقي شكله زي الهباب، ولو هو عند أهله دم ساعتها مفروض في أقرب صفيحة زبالة ويستخبي جواهان بدل ما هيجي أبوها ويديلوا على قفاه حتة ضربة.

والحمد لله على كل شئ، الواحد بطل يعاكس من زمان حاكم المعاكسة دلوقتي بقت مكلفة، والحكومة اللهم بارك لنا فيها بدل ما يجيلنا حكومة أقبح منها، مغليه حتى الكافيهات، والشاي غلى والسكر غلى والبنات مبقاش ينفع معاهم غير الكابتشينو أبو رغاوي اللى هو بفلوس كتير، وصاحبنا يدبس ويدفع، يا أخي ما تعمل عبيط ولا حمار وجلنف أو بيئة أو عيشها كاجول وقولها نقضيها انجيلزي بقي بييييس.

الزمن اللى احنا فيه مليان بلاوي، والله، فليه منعش حمير وبالتالي هنبقي مبسوط ميت فل و14 كمان، وفكك يا عم من جو الرجولة والكلام الهايف ده، قرشك في ايدك اوعي تصرفه على واحده، خليك حمار، خليك عبيط، خليك مش واخد بالك وانت عارف انها واخده بالها، صدقني مش هتقل في نظرها لأن البنات بقوا اكتر من الهم على القلب، ومش لاقين لهم صرفه ولا أهاليهم عايزينهم لانهن فاشلين في الطبيخ وفي المسح والغسل واللبس كمان، يعني هما حمير مش معما انت. يا أخي فوق البت من دول بتعمل هبلة وانت بتحاسب الاوفسر بوي ولا الجرسون فليه انت متعملش عبيط وتقولها هتشليني اننتى لأن ابويا قافش عليا، وحبتين مسكنة وحبة ندلة وواحد كوكتيل نتانه هتعيش مستور.

ولو فكرت تتجوز.. مش عيب خااااالص انها تصرف عليك خليك اسبور على الاخر، ايه يعني هتقولك شقة امي وفلوس أبويا، والاكل من عرقي، عادي جدا، اعمل عبيط، هو حد لاقي فلوس وميعملش عبيط أو حمار، حاول ديما تتمادي في حموريتك وتزداد في غباءك خاصة في الفلوس مع البنات لأنهن والعياذ بالله بيمصوا دم الواحد زي القمل والبراغيت لغاااااية ما دمه يطلع.. ربنا يخدهم مرة واحدة.