ليه البنات بتزعل من الكلام لو كان في غير المعاكسة؟

ليه البنات بتزعل من النقد خصوصا لو بيكشف حاجات فيهم.. ليه الست بتزعل لما جوزها يقولها أكلك وحش.. ليه الأم بتزعل لما ابنها يقولها مرات عمي مدلعها عيالها اكتر.. بجد اسئلة كتيره بتستفزني وملهاش اجابة مقنعة عندي.. واللى زاد على كل ده أن شاب ولا راجل يقول لواحده انتى مش قمر ولا مزة ولا جميلة.

بجد الجنس اللطيف دول كائنات عجيبة اه محترمين وحلوين ومتعة للعين وللقلب وللعقل، لكن بجد فيهم البدع، وسبحان الله كل لما أحاول أعدل كلامي عن الستات ألاقي صوابعي بتاخدني وأكتب وانا قدام شاشة اللاب توب نقد ذاتي في كل الجنس الجميل ده. على الرغم من جمالهم ودلالهم إلا أنهن ناصعات الأخطاء ويمكن عشان كده الرسول صلي الله عليه وسلم رأي في رحلة الاسراء والمعراج ان السيدات أكثر أهل النار بينما الرجال، اللهم ما احفظنا عددهم أقل، وعلى الرغم من كده انا مقتنع نسبيا بان الحديث الشريف اللى بيقول ان الستات ناقصات عقل ودين فيه بعد الاقاويل ولا أقول اننى مشكك فيه، لكن فعلا هو حديث يستدعي الوقوف عنده حتى وان كانت مقولة تتوارثها الاجيال ففيها معزي فكيف تكون النساء ناقصات عقل ودين، ربما نقاص العقل جاء من تحكم العاطفة الجياشة فيها وهذا ما يجعلها ملكة متوجة، اما نقصان الدين فليس عيبا فالمؤكد أن المرأة دورتها الشهرية تقلل من ممارستها للشعائر الدينية عدة أيام من كل شهر لكن لا تقطع علاقتها بالله.

ممكن فكرة نقصان الدين لأن الشيطان كما ورد في الاحاديث النبوية والقدسية أن النساء هن أدات الشياطين، وذلك أطلق عليهن رجال الدين انهن شياطين الأنس، أياً كان سواء كانت النساء شياطين او اداة من ادوات الشيطان او شريكة الشيطان كما يقول رجال الدين السفليون. الجدل سيظل مشتعلا وملتهباً حتى يوم القيامة، والخوف في من يشكك في اخلاص السيدات في الدين سواء الاسلام او المسيحية.

حياة البنات بجد محتاجه ان كل انسان يتاملها، فهن لا تغيرن فقط من الولاد زي ما أي شخص ساذج يمكن ان يتخيل لكنهن يغيرن من بعضهن البعض وينظر نظرات "من فوق لتحت" لأي واحدة حتى ولو كانت منقبة او لابسه اسدال.. ويا سلام لو واحدة ماشيه مع واحد تلاقي البنات تبص علي صوابعها مخطوبة ولا متجوزه ولا بتعمل ايه؟؟؟، وياريت ده وبس لا ده الواحد يلاقي الست من دي مخنوقة من اختها ولا قريبتها ولا صاحبتها الانتيم، بجد ملاحظات غريبة لازم الواحد يقف عندها ويعرف ايه اللى بيحصل وليه بيحصل؟