قصيدة.. الست ستوته

طلعتي م البيضا
وعرفتى ايه معنى الدلال
بدأت تدلعي وتكتشفي دلال فوق جمال
عرفتى انك ست وست البنات
قوامك فاق كل احتمال
مشيتك عظيمه ولا الخيال
نظرتك تجنن تشقلب تهبل
حياتك صفرا بلون الجبال
لياليكي حمرا تشق الجمال


**

مراتي..
تلبس قصير وتدلع
تتكلم وتعيش وتتشخلع
تمرمط في أم الراجل وتعييه
ويجري يكع ويعيط
فلوس.. فلوس.. وادبس يا فانوس
ياللى قفاك بقي شبه الكابوس
رجلك فقفأت والجزمة اتفرتكت
والست هانم.. ست الناس
لو قلت اطبخي
ارتفعت الحواجب تمانيات
أو ربما تكون سباعينات
حاكم الحاجات
متحكمهاش
وتلاقي الرقة بقي رقاق
أبو طابق أو طابقين
وتلاقي الصوت بقي علو برجين
وفي غمضة عين
تلاقي كل اللى حوليك سامعين
من جارك اللى بيحصله زيك
لغاية أخر الشارع

**

أوعي تعصبها
ولبيلها كل طلباتها
وإدعليها ربنا يريحها
علشان ترتاح..
من قرفها ونكدها وصوتها وقمصتها
ربنا ما يوريك في نفسك يوم
هتلاقي يومها نفسك عليك
مخنوقة.. مقهورة.. مزنوقة
تتمنى لو ترجع بيك الدنيا
وتفني مراتك في ثانية
وتعيش مع نفسك تهيس
وتجري ورا كل مهيس
تبصبص لديه ولديه
حتى لو انضربت
كله يهون ولا انك تكون متجوز

الكاتب مصطفي النجار

http://www.facebook.com/note.php?created&&suggest&note_id=३३८४४८५४०५१५