لو كنت مش فاهم أو مش عارف ليه لما بتروح سوبر ماركت كبير او هايبر مش بتلاقى فكة!!

الموضوع باختصار ان #البنك_المركزى مش بيتعامل مع شركات تجارية إلا نادرًا

ففى موردين إما شركات صرافة أو بنوك أو غيرها بياخدوا الفلوس الفكة بعد ما بتيجي من مصلحة سك العملة وتسليمها للبنك المركزى وبتوزعها على اللى محتاجها زي محطات #البنزين والسوبر ماركت وغيرها.

المهم الشركات الوسيطة أو الموردين للفكة رفعوا العمولة بتاعت وبقت 7% يعني لو حضرتك عايز ألف جنيه فكة هما بياخدوا 70 جنيه وبلغة الحسابات والمكسب والخسارة كده بياخدوا من ربح المحل او محطة البنزين فبالتالى محدش بقي يديك فكة وانت بتشتري وكمان ممكن تفضل واقف 5 أو 10 دقايق عشان اتنين جنيه فكة.

سيبك من التصريحات الحكومية بتاعت طباعة وتوزيع 18 مليون جنيه فكة لان الفكة اللى فى السوق دي كانت مفروض تتحرق من 6 سنين ومتحرقش وده لو جهة دولية زي #البنك_الدولى او #صندوق_النقد سمعوا عنه هيزودوا توقعاتهم لنسبة التضخم فى مصر لانه بيعتبر زي طبع العملة لان دي عملة مركونة او مفروض صلاحيتها انتهت وانت رجعتها ومفيش انتاج ومفيش مقابل رصيد دهب في الاحتياطى من الذهب بتاعك يكفى او يوازى الزيادة المالية :)