كذبة اقتراض مصر من صندوق النقد 12 مليار دولار

غالبية وكالات الأنباء ومواقع الأخبار المصرية والعربية ناشرين خبر نقلا عن #صندوق_النقد أن مسئولين فيه أعلنوا انهم توصلوا لاتفاق مبدئى مع مصر على قرض بقيمة 12 مليار دولار يسدد على 3 سنوات ، وطبعا لم يذكروا شروط الاتفاق ولا أى تفاصيل غير كلام عام وبلا مضمون .. المهم عملت حاجة بسيطة جداااااا دخلت على الموقع الرسمى للصندوق اللى بيتحدث ديما ولقيت ان أخر حاجة اتنشرت عن مصر باللغة العربية بتاريخ 11 فبراير 2015 ، أما أخر حاجة عن مصر فى الموقع بتاع الصندوق باللغة الانجليزية كان بتاريخ 28 يوليو 2016 .. 
العجيب ان التصريحات اللى على لسان الصندوق لازم تتنشر على الموقع الالكترونى كجزء من سياسة الصندوق الخاصة بمعايير الشفافية أمام الدول الأعضاء اللى حول العالم زي ما حصل مع قروض #المغرب و#السعودية و #العراق الأخيرة.
السؤال دلوقتى: اشمعنا مصر لم ينشر عنها شئ؟ يعني فى قرض العراق كان المصدر الخبر بتاع الاتفاق هو موقع الصندوق على الانترنت اشمعنا#مصر فجأة حد مجهول بيعلن؟؟؟ ولا دى محاولة ضغط؟ طب السؤال هو احنا بنضغط ليه طالما القرض اصلا باعتراف الجميع ضد مصلحة مصر والهدف منه فقد هو الحصول على شهادة بأن #الاقتصاد مستقر؟!!!