اللى عمرهم لا اشتكوا وزعلوا
من رقتك ودلالك
بحبك مهما يجري عمري
بحبك ولو تبقي قدري
يا وردة ماشية بتدلع فوق شط النيل
يا نسمة ماشية بتولع قلوب العاشقين
شوفي مين حبك زيي.. قولى مين؟
هتلاقي قلبي وروحي عليكي دايخين
هقولك كلمة تشفي اللى جوا
وتبرد نار التعبانين
بحبك ولو بيني وبينك بلاد
وهقول: أنا ابن اللذينه حبوكي
ونفسهم يجاوروكي
وتبقي منهم ويموتوا فيكي
وانا نفسي تبقي منى وابقي ليكي
وعمري في يوم ما هخون عنيكي
واوعدك.. هتلاقي قلبي بيجري
يتنطط ويناديكي
عشان يقولك..
يا فراشة سابحة في جناين ريحان
يا عقول سارحة في قلبي من زمان
بحبك يا بنت اللذينه...
اللذينه اللى حبوكي ولا عمرهم ظلموكي
وطول عمرنا بنحيوكي
ونقول ايووه يخرب بيت ابوكي
***
جمالك زايد حته
وسيرتك ملت الحته
وملامحك مليانه رقه
الله عليكي يا بت ياحته
يا حتة.. شكولاته بندق
والله مش شايف غير عنيكي
بحبك وأنا قلبي متشحتف عليكي
ونفسي أشوفك وأحسك
وعنيكي تقولى: أنا مش دريانه
بحبك ولا نوئه
الله عليكي يا بنت اللذينه
يا اللى دماغك بنزينه..
منها تمون الحته
وأتاريكي مليانه رقه
بجد.. عندك مُوان...
يكفي الحته ويفيض
يا خوفي منك يا زمان
هلاقي رقتها بقت بجحه
وتتنك وتقولى: أنا حلوة
يخرب بيتك يا بنت اللذينه
No comments: