رسالة من طالبة بكلية الطب بطنطا

السلام عليكم و رحمة الله و بركاته
انا طالبة بكلية طب الاسنان جامعة طنطا
احنا اولا بس محتاجين من حضرتك توصلي "أسماء محفوظ" صوتنا لاي برنامج او وسائل اعلام بس بسرعة لان الدراسة بدات و هما مش عارفين هما هيعيدوا ولا حد هيساعدهم ولا ايه
المشكلة بئا ان احنا عندنا في الكلية بنعاني من اضطهاد الدكاترة و ظلمهم بشكل واضح
و نطلب من حضرتك سرعة النظر في الشكوى و محاولة مساندتنا نظرا لبدء العام الدراسي الجديد فنحتاج الى معرفة موقف هؤلاء الطلاب
المشكلة المرة ده ان 10 من زمايلنا في الكلية الفرقة الثانية بيعانوا من ظلم دكتور/ محمد مامون الشيخ (قسم الاستعاضة الصناعية) و كان امين لجنة السياسات في الحزب الوطني المنحل في طنطا و حتى الان هيمنته علي جميع دكاترة الكلية غريبة فلا احد يستطيع رده او التحدث اليه وكأن الثورة لم تحدث
انا لجأت لحضرتك لأن ده مش مشكلة الطلاب ده بس لاء ده مشكلة جميع طلاب الجامعة ونفسنا نعرف احنا بننجح او مش ننجح على اساس ايه بالظبط هل على اساس رغبة الدكاترو و اهوائهم بس
المشكلة بدات في بداية الترم الثاني بعد انتهاء الثورة يوم 5/3/2011
عملنا مظاهرات بنادي فيها بالمساواة و عدم تمييز اولاد الدكاترة و غيره من حقوقنا بس للاسف الدكاترة رفضوا و عملوا اضراب و قالوا مش هنشتغل غير لو الطلبة اعتذروا عما اسموه (قلة ادب) و هي المطالبة بحقوقنا وتدخلت رئيسة الجامعة واعطتنا الوعود بدون تنفيذ طبعا و لكن وافقنا و انتظمت الدراسة
وفوجئنا بمعاملة غريبة من دكتور/محمد مامون الشيخ لبعض الطلبة الذين تصدروا الموقف في ايام المظاهرات و عندما ظهرت النتيجة فوجئنا بعدد غير متوقع راسب في هذه المادة (الاستعاضة الصناعية) على راسهم هؤلاء الطلاب واستسلموا للامر الواقع و ذاكروا و دخلوا امتحانات الدور التاني و لكن دون جدوى حيث رسب 10 طلاب مرة اخرى مع العلم ان مش كلهم كانوا في المظاهرات و لكنه فعل ذلك حتى لا يقال انه مستقصد طالب معين دون وجه حق
وحاولنا مناقشته و طلب اعادة التصحيح ولكن فوجئنا به يقول لاحدهم (انا شيلت 9 معاك عشان متقولش اني مستقصدك)
ولجأنا الى رئيسة القسم و عميدة الكليه و رئيسة الجامعة و لكن لم نتوصل اى حلول حيث ان دكتور/ محمد مامون كان له مكان حساس في لجنة السياسات في الحزب الوطني ويهابه جميع الدكاترة تقريبا الثورة موصلتش لدكاترة الجامعة
وعندما تحدثنا معه قال ان شغلهم في امتحان العملي انا صححته و كسرته مع ان مش من حقه يتكسر اصلا
والان الطلبة المظلومين معتصمون في الكلية و يهددون بالاضراب عن الطعام ومحتاجين دعم من حضرتك لان فعلا احد هؤلاء الطلاب حالته النفسية صعبة جدا و مش بيعرف يتكلم دلوقتي و بيقطع في الكلام و رافض يسيب الكلية و يروح اي مستشفى
و محتاجين حضرتك توصلنا لوسائل الاعلام او اي برنامج ضروري حيث اننا لم نستطع التواصل معهم وان نتواصل مع الوزير او اي مسئول يستطيع حل هذه المشكلة
وكل ما يطلبه هؤلاء الطلاب هو اعادة تصحيح الامتحان وفقا للجنة محايدة
فهل هانت السنون الى هذا الحد حيث ان معنى انهم لم ينجحوا في هذه المادة فهيعيدوا السنة كاملة علي مادة واحدة وفقا للوائح الكلية و التي لا تسمح بالانتقال الي مرحلة جديدة بأي مادة
شكرا جزيلا حيث اننا عاجزين عن الشكر و نطلب النظر لهؤلاء الطلبة المظلومين و مراعاة اولياء امورهم و حالتهم النفسية و المعنوية
انا لجات لحضرتك لان ده مش مشكلة ال 10 طلاب بس لكن ده مشكلة جميع طلبة الجامعة الذين يعانون الاضطهاد ، ونفسي اعرف احنا بننجح او مش ننجح على اي اساس هل معقول هي فقط وفقا لاهواء الدكاترة و رغباتهم
ونرجو سرعة الرد حيث ان العام الدراسي بدا و محتاجين نعرف موقف الطلاب ده من السنة الدراسية
والسلام عليكم